საქართველო ესტონეთთან ცალმხრივ მეგობრობას განაგრძობს
საქართველო ესტონეთის მხრიდან დაწესებული სანქციის შემდეგ, ქვეყნის ცალმხრივ მეგობრად რჩება, თუმცა სახეზეა, ესტონეთის მორიგი არამეგობრული ნაბიჯი – სავარაუდოდ, უახლოეს პერიოდში ესტონეთის პარლამენტში საქართველო-ესტონეთის მეგობრული ჯგუფის ხელმძღვანელს ლაური ლარცის თანამდებობიდან გაათავისუფლებენ. ამის მიზეზი კი ლარცის მხრიდან საქართველოს ხელისუფლების მხარდამჭერი განცხადებაა, ხოლო ლარცის გადაყენების ინიციატორი ესტონეთის საგარეო საქმეთა მინისტრია.
ლარცის მხრიდან ესტონეთის საგარეო საქმეთა მინისტრის მიერ მიღებული გადაწყვეტილება მისაღებია რადიკალებისთვის, ხელისუფლების ოპონენტები კი ამბობენ, რომ ლარცმა საქართველოს ხელისუფლების მხარდაჭერის გამო პოლიტიკური ფასი უნდა გადაიხადოს.
რაც შეეხება ,,ქართული ოცნების” პოზიციას, მმართველ პარტიაში ამბობენ, რომ საქართველოს ესტონეთის მეგობრობის ჯგუფის ხელმძღვანელი არა ხელისუფლების, არამედ საქართველოს მხარდამჭერი განცხადებების გამო ისჯება.
მართველ გუნდში მიაჩნიათ, რომ დიალოგისთვის საპარლამენტო სივრცე უნდა ფართოვდებოდეს და არა პირიქით. ეს ესტონეთის მხრიდან პირველი არამეგობრული გადაწყვეტილება არ არის, აქამდე იყო სანქციები, თუმცა ამის მიუხედავად, საქართველოს ხელისუფლების გადაწყვეტილებით, საქართველო ესტონეთს წარმატებას უსურვებს და ცალმხრივ მეგობრობას ინარჩუნებს.
ირაკლი გუნია
