- By Keti Khomeriki
- In მსოფლიო
დონალდ ტრამპი – აშშ-ის მიერ სხვა ქვეყნების დახმარება ხელს უწყობს მსოფლიო მშვიდობის დესტაბილიზაციას, უცხო ქვეყნებში ისეთი იდეების წინ წაწევას, რომლებიც ჰარმონიულ, სტაბილურ ურთიერთობებს ეწინააღმდეგება
აშშ-ის მიერ სხვა სახელმწიფოებისთვის დახმარების გაწევა ხელს უწყობს მსოფლიო მშვიდობის დესტაბილიზაციას, უცხო ქვეყნებში ისეთი იდეების წინ წაწევას, რომლებიც პირდაპირ ეწინააღმდეგებიან ჰარმონიულ და სტაბილურ ურთიერთობებს როგორც ამ ქვეყნებში, ისე ამ ქვეყნების სხვა სახელმწიფოებთან ურთიერთობაში, – ამის შესახებ ნათქვამია დონალდ ტრამპის მიერ ხელმოწერილ დოკუმენტში, რომლითაც აშშ-ის პრეზიდენტმა 90 დღით საგარეო დახმარების ყველა პროგრამა შეაჩერა.
პროგრამების დროებით შეჩერების მიზანია იმის დადგენა, შეესაბამება თუ არა ისინი მის პოლიტიკურ მიზნებს.
ამის შესახებ ინფორმაციას „ესოშიეთიდ პრესი“ ავრცელებს.
დოკუმენტში აღნიშნულია, რომ „საგარეო დახმარების ინდუსტრია და ბიუროკრატია არ შეესაბამება ამერიკის ინტერესებს და ბევრ შემთხვევაში ეწინააღმდეგება ქვეყნის ღირებულებებს“.
ამიტომ დონალდ ტრამპმა განაცხადა, რომ „შეერთებული შტატების არცერთი შემდგომი საგარეო დახმარება არ იქნება გაწეული ისეთი გზით, რომელიც სრულად არ იქნება შეთანხმებული ქვეყნის პრეზიდენტის საგარეო პოლიტიკასთან“.
