- By Keti Khomeriki
- In მსოფლიო
ემანუელ მაკრონი – ევროკავშირის წინააღმდეგ ტარიფები ამერიკის ეკონომიკას დააზარალებს
ევროკავშირის წინააღმდეგ ტარიფები ამერიკის ეკონომიკას დააზარალებს, – ამის შესახებ საფრანგეთის პრეზიდენტმა, ემანუელ მაკრონმა განაცხადა.
მაკრონმა ვაშინგტონს მოუწოდა, ევროკავშირთან „სავაჭრო ომის“ დაწყების ნაცვლად, ყურადღება გაამახვილოს ჩინეთზე, ახლო აღმოსავლეთის კრიზისსა და უკრაინაში მიმდინარე ომზე.
საფრანგეთის პრეზიდენტის აზრით, აშშ-ის პირველი პრობლემა ჩინეთია.
„ევროპა თქვენი მოკავშირეა და თუ გსურთ, რომ ევროპა მეტად ჩაერთოს ინვესტიციების, თავდაცვისა და უსაფრთხოების საკითხებში, თუ იმედი გაქვთ განვითარების, რაც, ჩემი აზრით, აშშ-ის ინტერესებშია, არ უნდა დააზიანოთ ევროპის ეკონომიკა ტარიფების მუქარით. ეს ნიშნავს, რომ თქვენ ბევრ სექტორზე თუ დააწესებთ ტარიფებს, ეს გაზრდის ღირებულებას და აშშ-ში ინფლაციას გამოიწვევს“, – აღნიშნა მაკრონმა.
შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ უახლოეს ხანში ევროკავშირიდან იმპორტირებულ საქონელზე ტარიფების დაწესებას გეგმავს.
