- By Keti Khomeriki
- In მსოფლიო
ილონ მასკი – როგორც არ უნდა ვეწინააღმდეგებოდე უკრაინის პოლიტიკას, Starlink-ი არასოდეს გამორთავს თავის ტერმინალებს
ილონ მასკი აცხადებს, რომ Starlink-ის ქსელს უკრაინელ სამხედროებს არასდროს გამოურთავს, როგორც არ უნდა ეწინააღმდგებოდეს უკრაინის პოლიტიკას. ამის შესახებ მასკმა სოციალურ ქსელ X-ზე გამოქვეყნებულ განცხადებაში აღნიშნა.
მასკის თქმით, Starlink-ის გარეშე უკრაინის საკომუნიკაციო ხაზები გამოვიდოდნენ მწყობრიდან, რადგან რუსებს შეუძლიათ ყველა სხვა კომუნიკაციის ჩახშობა.
„ძალიან გასაგებად რომ ვთქვა, როგორც არ უნდა ვეწინააღმდეგებოდე უკრაინის პოლიტიკას, Starlink-ი არასოდეს გამორთავს თავის ტერმინალებს. მე მარტივად ვამბობ, რომ Starlink-ის გარეშე უკრაინული ხაზები მწყობრიდან გამოვიდოდა, რადგან რუსებს შეუძლიათ ყველა სხვა კომუნიკაციის ჩახშობა. ჩვენ არასდროს გავაკეთებდით ასეთ რამეს და არ გამოვიყენებდით მას, როგორც ვაჭრობის საშუალებას“, – წერს მასკი.
