ლაშა ხახუტაიშვილი : ,,ქართველი ხალხი ხედავს თუ რას გადაარჩინა ბატონმა ბიძინა ივანიშვილმა – არ უნდა ხალხს ომი, ჩვენ გვჭირდება მშვიდობა, სტაბილური განვითარება, რაც სახეზეა და ასე უნდა გაგრძელდეს მომავალშიც” !
,,GEO NEWS”-ს ქობულეთის საკრებულოს დეპუტატი, ბატონი ლაშა ხახუტაიშვილი საპარლამენტო საგამოძიებო კომისიის ეფექტურ მუშაობაზე და დასავლეთის მიერ დაფინანსებულ სამშობლოს მოღალატეების ფიასკოზე ესაუბრა.
–ბატონო ლაშა, როგორ შეაფასებდით საპარლამენტო საგამოძიებო კომისიის მუშაობას ?
–როგორც იქნა დადგა მომენტი, როცა ,,ნაციონალური მოძრაობის”, როგორც დამნაშავე და სისხლისმსმელი რეჟიმის გასამართლება ოფიციალურად დაიწყო. ძალიან მნიშვნელოვანია ამ კუთხით საპარლამენტო კომისიის მუშაობა, რომელიც ფაქტია, რომ ძალიან კარგად მუშაობს.
–რამდენად იმოქმედა კომისიის მუშაობამ ქუჩაში მდგომარეობის დასტაბილურებაზე და მოღალატე და დასავლეთის დაკვეთის შემსრულებელი ოპოზიციის შეკავებაზე ?
-რაც შეეხება ქუჩაში გამოსულ ენჯეოშნიკების მცირე მასას, ისინიც მალე დაიშლებიან, იმიტომ რომ ქართველი ხალხი ბრძენია და იცის როდის, სად და ვის მხარეს დადგეს.
–დაბოლოს, რა სიახლეებია ქობულეთში ? არის თუ არა პროვოკაციები თუ კანონმდებლობის გამკაცრებამ აგენტურულ ოპოზიციას უკან დაახევინა ?
-გახსოვთ ალბათ, როგორ ცდილობდნენ საზღვრგარეთიდან მართული სამშობლოს რადიკალი მტრები აჭარაში სიტუაციის არევას, განსაკუთრებით კი ბათუმსა და ქობულეთში, თუმცა აქაც არაფერი გამოუვიდათ, არც სამომავლოდ გამოუვათ.
ქართველი ხალხი ხედავს თუ რას გადაარჩინა ბატონმა ბიძინა ივანიშვილმა, ამ ხელისუფლებამ. არ უნდა ჩვენს ხალხს ომი, ჩვენ გვჭირდება ხანგრძლივი მშვიდობა, სტაბილური განვითარება და ეკონომიკური ზრდა, რაც სახეზეა და ასე უნდა გაგრძელდეს მომავალშიც.
ქეთი ხომერიკი
