დღეს სვეტიცხოვლობაა – საქართველოს მართლმადიდებელი ეკლესია დღეს „წმინდა დიდებულთა ათორმეტთა მოციქულთა კრებას“ – სვეტიცხოვლობას აღნიშნავს
საქართველოს მართლმადიდებელი ეკლესია დღეს „წმინდა დიდებულთა ათორმეტთა მოციქულთა კრებას“ – სვეტიცხოვლობას აღნიშნავს.
სვეტიცხოვლის საკათედრო ტაძარში სრულიად საქართველოს კათოლიკოს-პატრიარქის, ილია მეორის თანამოსაყდრემ, მეუფე შიომ საღმრთო ლიტურგია სასულიერო პირებთან ერთად აღავლინა.
სვეტიცხოვლობის დღესასწაულთან დაკავშირებით, მცხეთაში სხვადასხვა ღონისძიება იმართება. მიმდინარეობს სპორტულ-სანახაობითი ღონისძიებები და მოეწყო საბავშვო გასართობ-შემეცნებითი კუთხეც.
მოგეხსენებათ, სვეტიცხოვლობის დღესასწაული წელიწადში ორჯერ, 14 ოქტომბერს და 13 ივლისს აღინიშნება.
14 ოქტომბერს ეკლესია ქრისტეს კვართს იხსენიებს, 13 ივლისს კი – ქრისტეს ყველა მოციქულს.
