- By Keti Khomeriki
- In მსოფლიო
ჩინეთის საგარეო უწყების პრესსპიკერი – ჩინეთმა და ევროპარლამენტმა ურთიერთშეთანხმებით გადაწყვიტეს, სრულად მოხსნან შეზღუდვები ორმხრივ კონტაქტებზე
ჩინეთმა და ევროპარლამენტმა ურთიერთშეთანხმებით გადაწყვიტეს, სრულად მოხსნან ორმხრივი კონტაქტების შეზღუდვები, – ამის შესახებ ჩინეთის საგარეო საქმეთა სამინისტროს პრესსპიკერმა, ლინ ცზიანმა განაცხადა.
ჩინეთის საგარეო უწყების წარმომადგენლის თქმით, ორივე მხარე მიიჩნევს, რომ დიალოგისა და თანამშრომლობის გაღრმავება სასიცოცხლოდ მნიშვნელოვანია არსებულ ვითარებაში.
„ბოლო რამდენიმე წლის განმავლობაში ჩინეთისა და ევროკავშირის საკანონმდებლო ორგანოებს შორის ურთიერთობა ყველასთვის ცნობილი მიზეზების გამო არასტაბილური გახდა. ამჟამინდელ ვითარებაში ორივე მხარე მიიჩნევს, რომ დიალოგისა და თანამშრომლობის გაღრმავება ძალიან მნიშვნელოვანია. ორ მხარეს შორის შეთანხმების თანახმად, ჩინეთმა და ევროპარლამენტმა გადაწყვიტეს, ერთდროულად და ყოვლისმომცველად მოხსნან ორმხრივი გაცვლის შეზღუდვები. ჩვენ გვჯერა და ველოდებით, რომ ორ მხარეს შორის გაცვლა და გაგება გაღრმავდება ჩინეთისა და ევროკავშირის საკანონმდებლო ორგანოებს შორის გაცვლის სრული აღდგენით. ეს ახალ იმპულსს მისცემს ჩინეთ-ევროკავშირის ურთიერთობების მდგრად, ჯანსაღ და სტაბილურ განვითარებას“, – განაცხადა ლინ ცზიანმა.
