- By Keti Khomeriki
- In პოლიტიკა
თეა წულუკიანმა გიორგი გახარიას მიმართა – გვიღალატეთ, გაიქეცით და რუსი ხარო, მე მეუბნებით რუსეთში განათლებული კაცი
გვიღალატეთ, გაიქეცით და რუსი ხარო, მე მეუბნებით რუსეთში განათლებული კაცი, – ასე მიმართა პარლამენტის საგამოძიებო კომისიის თავმჯდომარემ, თეა წულუკიანმა პარტიის „გახარია საქართველოსთვის“ ლიდერს, გიორგი გახარიას, რომელიც სხდომას დისტანციურად ჩაერთო.
„გავიგეთ, რომ შეურაცხყოფას გვაყენებთ, გვიღალატეთ, გაიქეცით, ყველაზე ცუდები გგონივართ, რუსი ხარო, მე მეუბნებით რუსეთში განათლებული კაცი. ეს გავიგეთ, მაგრამ ამბობთ, რომ ელგუჯა ხარაზიშვილმა იცრუა? ელგუჯა ხარაზიშვილი, რომელიც აქ იყო მოსული, ჩორჩანასთან ცხოვრობს. თქვა, რომ მას შემდეგ, რაც თქვენ მიერ საგუშაგო ჩაიდგა, ვეღარ შევდივართ ტყეში, რომელიც ძველად საკოლმეურნეო ტყე იყო და სოფელი ვსარგებლობდითო. შესაბამისად, აცხადებთ, რომ ელგუჯა ხარაზიშვილმა იცრუა? – მიმართა თეა წულუკიანმა გიორგი გახარიას.
გიორგი გახარიას თქმით, ელგუჯა ხარაზიშვილთან დაკავშირებით ასეთი რამ არ უთქვამს.
„არ მითქვამს და არასოდეს ვიტყვი. თქვენგან გასხვავებით, ელგუჯა ხარაზიშვილი ღირსეული ადამიანია“, – განაცხადა გახარიამ.
თეა წულუკიანმა გახარიას კიდევ ერთხელ მიმართა: „ელგუჯა ხარაზიშვილი თქვენ მიერ საგუშაგოს ჩადგმის შემდეგ ვეღარ შედის ტყეში“, – რაზეც გახარიამ აღნიშნა: „ამას არანაირი მნიშვნელობა არ აქვს“.
