- By Keti Khomeriki
- In პოლიტიკა
ირაკლი კობახიძე ხმლით ფარიკაობაში სანდრო ბაზაძის ასპარეზობასა და დაჯილდოების ცერემონიას მიხეილ ყაველაშვილთან და მთავრობის წევრებთან ერთად დაესწრო
საქართველოს პრემიერ-მინისტრმა ირაკლი კობახიძემ ქართველ მოფარიკავე სანდრო ბაზაძეს მსოფლიო ჩემპიონის ტიტულის მოპოვება მიულოცა.
მთავრობის მეთაური ხმლით ფარიკაობაში ქართველი სპორტსმენის ასპარეზობას და დაჯილდოების ცერემონიას პრეზიდენტ მიხეილ ყაველაშვილთან და მთავრობის წევრებთან ერთად დაესწრო.
სანდრო ბაზაძე ფინალში ფრანგ მეტოქეს დაუპირისპირდა და ანგარიშით – 15:9 გაიმარჯვა. პრეზიდენტის, პრემიერ-მინისტრისა და პარლამენტის თავმჯდომარის ერთობლივი გადაწყვეტილებით, ქართველი მოფარიკავე სანდრო ბაზაძე მსოფლიო ჩემპიონის ტიტულის მოპოვებისთვის ღირსების ორდენით დაჯილდოვდება.
ფარიკაობის მსოფლიო ჩემპიონატს „თბილისი არენა“ მასპინძლობს. პრემიერ-მინისტრი ჩემპიონატის გახსნის ოფიციალურ ღონისძიებას დაესწრო, რომლის მონაწილეებს და სტუმრებს სიტყვით მიმართეს საქართველოს სპორტის მინისტრმა შალვა გოგოლაძემ, ფარიკაობის ფედერაციის პრეზიდენტმა მერაბ ბაზაძემ და ფარიკაობის საერთაშორისო ფედერაციის პრეზიდენტმა აბდელმონემ ელ-ჰუსეინმა. ტურნირში 120 ქვეყნის 1205 მოფარიკავე მონაწილეობს.
