- By Keti Khomeriki
- In პოლიტიკა
შალვა პაპუაშვილი – პარლამენტის მიმართ მოქალაქეების 62%-იანი ნდობა კიდევ ერთი დასტურია, რომ მე-11 მოწვევის პარლამენტი ზუსტად ასრულებს იმ საარჩევნო დაკვეთას, რომელიც საზოგადოებამ მოგვცა
პარლამენტის მიმართ საქართველოს მოქალაქეების 62%-იანი ნდობა კიდევ ერთი დასტურია, რომ მე-11 მოწვევის პარლამენტი ზუსტად ასრულებს იმ საარჩევნო დაკვეთას, რომელიც ჩვენმა საზოგადოებამ საპარლამენტო არჩევნებზე მოგვცა, – ამის შესახებ პარლამენტის თავმჯდომარე შალვა პაპუაშვილი „გორბის“ კვლევასთან დაკავშირებით სოციალურ ქსელში წერს.
„ხალხი მხარს უჭერს იმ საკანონმდებლო რეფორმებს, რომლებსაც პარლამენტი ბოლო რამდენიმე თვეა, ატარებს. ჩვენი მიზანია, ვიმოქმედოთ ხალხის მიერ მონიჭებული ამ მანდატის შესაბამისად.
ეს ნდობა, ასევე, კიდევ ერთი შეხსენებაა ბრიუსელისთვის, რომ ბრიუსელმა პატივი უნდა სცეს საბაზისო ევროპულ ღირებულებებს: გადაწყვეტილებების დემოკრატიულად მიღების წესს, ხალხის ნებას და ხალხის მანდატით მიღებულ კანონმდებლობას. ამის გარეშე ევროკავშირი ევროპა ვერ იქნება“, – წერს პაპუაშვილი სოციალურ ქსელში.
