- By Keti Khomeriki
- In სამართალი
ასაფეთქებელი ნივთიერების შემოტანის საქმე
ბოლო პერიოდის რეზონანსული საქმე, რომლის ფიგურანტები უკრაინის მოქალაქეები არიან. გამოძიება ამ დრომდე არაფერს ამბობს, რა მიზნით შემოიტანეს ასაფეთქებელი ნივთიერება რუმინეთის, ბულგარეთისა და თურქეთის გავლით უკრაინიდან საქართველოში.
გამოძიების ვერსიით, თითქმის ორ-ნახევარი კილოგრამი „ჰექსოგენი“ თბილისში, ავლაბარში მდებარე სახლში უნდა მიეტანათ. თუმცა სხვა ადგილმდებარეობაზე მიუთითებს ერთ-ერთი ბრალდებული. დაკავებულებიდან ერთი სატვირთო მანქანის მძღოლია, რომელიც ტრანზიტულ რეისებზე მუშაობს, მეორე კი ის ადამიანი, რომელსაც, საგამოძიებო მასალების მიხედვით, ტრორტილის შემცველი ნივთიერება გადასცეს.
სუს-ის მონაცემებით, დაკავებულებს საშიში ნივთიერება უკრაინის უსაფრთხოების სამსახურის თანამშრომლებმა გადასცეს. როგორც ირკვევა, გამოძიება კიდევ ერთი მიმართულებით მიმდინარეობს – არის თუ არა რაიმე კავშირი ასაფეთქებელი ნივთიერებების საქმესა და ოპოზიციის მიერ თბილისში 4 ოქტომბერს დაანონსებულ გეგმებს შორის.
ორივე დაკავებულს ცოტა ხნის წინ პატიმრობა შეუფარდეს.
