- By Keti Khomeriki
- In მსოფლიო
ემანუელ მაკრონი აცხადებს, რომ საფრანგეთში აშშ-ის ელჩის, ჩარლზ კუშნერის კრიტიკა საფრანგეთის მიმართ „მიუღებელია“ დიპლომატისთვის – „ფრანგ ელჩს ამის გაკეთების უფლება არასდროს ექნება“
საფრანგეთის პრეზიდენტმა, ემანუელ მაკრონმა განაცხადა, რომ საფრანგეთში აშშ-ის ელჩის, ჩარლზ კუშნერის კრიტიკა საფრანგეთის მიმართ „მიუღებელია“ დიპლომატისთვის.
„ეს არის შეცდომა და მიუღებელი განცხადება ისეთი ადამიანისგან, რომელიც უნდა იყოს დიპლომატი. თუ ხარ დიპლომატი, უნდა დაიცვა დიპლომატიის წესები. გადასახადის გადამხდელების ფული სათანადოდ არ გამოიყენება ამგვარი განცხადებების დასაფინანსებლად,
ფრანგ ელჩს ამის გაკეთების უფლება არასდროს ექნება. თუ თქვენ ხართ ადამიანი, რომელსაც თავისუფლად უნდა გამოხატოს აზრი – კეთილი. თუ თქვენ ხართ დიპლომატი, უნდა მიჰყვეთ დიპლომატიის წესებს“, – აღნიშნა მაკრონმა ინტერვიუში.
ცნობისთვის, გასულ თვეს კუშნერმა მაკრონი ანტისემიტიზმის წინააღმდეგ არასაკმარისი ზომების მიღებაში დაადანაშაულა და ქვეყნის საგარეო პოლიტიკური პოზიციები დაუკავშირა საფრანგეთში ებრაელების წინააღმდეგ ძალადობის ინციდენტების ზრდას.
