- By Keti Khomeriki
- In მსოფლიო
დონალდ ტრამპს ქვეყნები კიდევ ერთხელ აერია და განაცხადა, რომ კამბოჯა-სომხეთის ომი შეაჩერა
აშშ-ის პრეზიდენტს, დონალდ ტრამპს ქვეყნები კიდევ ერთხელ აერია და განაცხადა, რომ კამბოჯა-სომხეთის ომი შეაჩერა.
როგორც ტრამპმა სიტყვით გამოსვლისას აღნიშნა, კამბოჯასა და სომხეთს შორის ომის დასრულება მისი დამსახურება იყო.
ტრამპის თქმით, კონფლიქტს შეიძლებოდა, საშინელი შედეგები მოჰყოლოდა.
„ჩვენ გვყავს კამბოჯა, სომხეთი. გვყავს კოსოვო, სერბეთი, ისრაელი, ირანი, ეგვიპტე, ეთიოპია. ეს სილამაზეა. მათ ეთიოპიაში ის პატარა კაშხალი ააშენეს, რომელიც მსოფლიოში ყველაზე დიდი კაშხალია“, – განაცხადა ტრამპმა.
დონალდ ტრამპს ადრეც არაერთხელ შეეშალა და სომხეთ-აზერბაიჯანის კონფლიქტის დარეგულრებაზე საუბრისას სომხეთის ნაცვლად, ალბანეთი ახსენა.
ცნობისთვის, 8 აგვისტოს აზერბაიჯანის პრეზიდენტმა, ილჰამ ალიევმა და სომხეთის პრემიერ-მინისტრმა ნიკოლ ფაშინიანმა თეთრ სახლში აშშ-ის პრეზიდენტ დონალდ ტრამპის თანდასწრებით ხელი მოაწერეს შეთანხმებას, რომელიც სატრანზიტო დერეფნის შექმნას მოიცავს. შეთანხმებას „ტრამპის მარშრუტი საერთაშორისო მშვიდობისა და კეთილდღეობისთვის“ ეწოდება.
