,,GEO NEWS” ელოდება შსს-ის გენერალური ინსპექციის ეფექტურ და კონკრეტულ შედეგებს პოლკოვნიკ კახაბერ რაზმაძის საბოლოო მხილებისა და საპასუხისმგებლო პოზიციიდან ჩამოშორების მიზნით !
ჩვენი მკითხველისთვის ცნობილია, რომ არაერთხელ მიგვიმართავს შსს-ის გენერალური ინსპექციისთვის, როდესაც საკითხი ეხებოდა პოლიციაში ჩაბუდებულ რენეგატებსა და პროვოკატორებს. ამ თანამშრომლობას ძალიან კონკრეტული შედეგიც მოუტანია და მხილებულნიც ყოფილან კონკრეტული სამართალდამრღვევები.
ამ ეტაპზეც ჩვენი მიმართვის საფუძველზე შსს-ის გენერალური ინსპექცია იკვლევს დიდუბე-ჩუღურეთის მთავარი სამმართველოს მე-4 სამმართველოს უფროსის მოადგილის, პოლკოვნიკ კახაბერ რაზმაძის საეჭვო ქმედებებს, რაც მან თავის დროზე ჩაიდინა ჩვენი დამფუძნებლისა და მისი ოჯახის წევრების დისკრედიტაციისა და ურთიერთდაპირისპირების მიზნით.
ორიოდე დღის წინ, ჩვენ გამოვაქვეყნეთ სტატია ( იხ ლინკი : https://geonews.org.ge/%e1%83%97%e1%83%91%e1%83%98%e1%83%9a%e1%83%98%e1%83%a1%e1%83%98%e1%83%a1-%e1%83%9e%e1%83%a0%e1%83%9d%e1%83%99%e1%83%a3%e1%83%a0%e1%83%90%e1%83%a2%e1%83%a3%e1%83%a0%e1%83%90%e1%83%9b-%e1%83%9e%e1%83%9d/
სადაც აღვნიშნავდით, რომ ველოდებოდით შსს-ის გენერალური ინსპექციის რეაგირებას, რამაც არ დააყოვნა – აღნიშნულ საქმეზე სულ ახლახან გამოიკითხა ჩვენი დამფუძნებელი ქეთი ხომერიკი, რომელმაც გენერალურ ინსპექციას მიაწოდა ამომწურავი ინფორმაცია და მტკიცებულებები, რის შედეგადაც უახლოეს მომავალში ველოდებით ეფექტურ და კონკრეტულ შედეგებს პოლკოვნიკ კახაბერ რაზმაძის საბოლოო და წარმატებული მხილებისა და საპასუხისმგებლო პოზიციიდან ჩამოშორების მიზნით.
( გაგრძელება იქნება )
გიორგი კორძაძე
