- By Keti Khomeriki
- In მსოფლიო
სერგეი ლავროვი – გავიგე, რომ ბატონი სიკორსკი დაემუქრა პრეზიდენტ პუტინის თვითმფრინავის უსაფრთხოებას, პოლონელები ახლა მზად არიან, თავად ჩაიდინონ ტერორისტული აქტები
პოლონელები ახლა მზად არიან, თავად ჩაიდინონ ტერორისტული აქტები, – ასე გამოეხმაურა რუსეთის საგარეო საქმეთა მინისტრი სერგეი ლავროვი, პოლონეთის საგარეო საქმეთა მინისტრის, რადოსლავ სიკორსკის განცხადებას, რომ ვლადიმერ პუტინის თვითმფრინავი უნგრეთში გამგზავრების დროს მათ საჰაერო სივრცეს თუ გადაკვეთს, თვითმფრინავს იძულებით დაშვებას მოსთხოვენ.
„აქ გავიგე, რომ ბატონი სიკორსკი დაემუქრა პრეზიდენტ პუტინის თვითმფრინავის უსაფრთხოებას, თუ ის ბუდაპეშტში გაიგზავნება ტრამპთან შესაძლო სამიტზე, პუტინის უსაფრთხოება პოლონეთის საჰაერო სივრცეში არ იქნება უზრუნველყოფილი“, – განაცხადა სერგეი ლავროვმა.
რუსეთის საგარეო უწყების ხელმძღვანელის თქმით, ევროკავშირის სურვილი, დაჟინებით მოითხოვოს ცეცხლის შეწყვეტა, ეწინააღმდეგება პუტინის და ტრამპის ალასკის შეთანხმებებს.
