- By Keti Khomeriki
- In სამართალი
თბილისში ორი კილოგრამი ბირთვული მასალის, ურანის უკანონო შეძენის მცდელობისას დაკავებულ ჩინეთის სამ მოქალაქეს აღკვეთის ღონისძიებად პატიმრობა შეეფარდა
თბილისის საქალაქო სასამართლომ ორი კილოგრამი ბირთვული მასალის, ურანის უკანონო შეძენის მცდელობისას დაკავებულ ჩინეთის სამ მოქალაქეს აღკვეთის ღონისძიებად პატიმრობა შეუფარდა.
დაკავებულები ბრალს არ აღიარებენ. ადვოკატები მათ გათავისუფლებას გირაოს სანაცვლოდ ითხოვდნენ, რაც არ დაკმაყოფილდა.
პროკურატურის ცნობით, დანაშაულებრივი ჯგუფის წევრები თბილისში გეგმავდნენ რადიაქტიური ნივთიერების უკანონო შეძენას 400 000 აშშ დოლარად და შემდეგ უკანონო ტრანსპორტირებას ჩინეთში, რუსეთის ფედერაციის ტერიტორიის გავლით.
გამოძიება სისხლის სამართლის კოდექსის 230-ე მუხლის პირველი ნაწილით მიმდინარეობს, რაც 10-წლამდე ვადით თავისუფლების აღკვეთას ითვალისწინებს.
