- By Keti Khomeriki
- In მსოფლიო
რუსეთის არმიამ პოლტავის რეგიონში „ნაფტოგაზის“ ინფრასტრუქტურაზე მიიტანა იერიში
რუსეთის არმიამ პოლტავის რეგიონში „ნაფტოგაზის“ ინფრასტრუქტურაზე მიიტანა იერიში. ოქტომბრის თვეში ეს გაზის ინფრასტრუქტურაზე მეშვიდე თავდასხმაა. ინფორმაციას ამის შესახებ „ნაფტოგაზ ჯგუფი“ ავრცელებს.
კომპანიის პრესსამსახურის განცხადებით, თავდასხმა მიზანმიმართული იყო და ობიექტებს არანაირი სამხედრო მნიშვნელობა არ აქვს.
„საბედნიეროდ, არავინ დაშავებულა – მთავარი ეს არის. დარტყმის ადგილზე სპეციალისტები მუშაობენ – შედეგებს აფასებენ და აღდგენით სამუშაოებს იწყებენ. ობიექტებს, რომლებსაც რუსეთი უტევს, არანაირი სამხედრო მნიშვნელობა არ აქვთ“, – აცხადებს კომპანიის სამეთვალყურეო საბჭოს თავმჯდომარე სერგეი კორეცკი.
როგორც კორეცკი აღნიშნავს, რუსული თავდასხმების ერთადერთი მიზანი უკრაინელების გაზისა და გათბობის გარეშე დატოვება.
