BLOG

• By Keti Khomeriki
• In ექსკლუზივი - სტატიები, სამართალი, სიახლეები

ექსკლუზივი : სიღნაღის რაიონული პროკურატურის პროკურორმა მიშიკო ჯანგულაშვილმა ყადაღის საქმე სააპელაციოშიც წააგო – გენერალური პროკურატურა ზედამხედველობას იწყებს ? 

სიღნაღის რაიონული პროკურატურის პროკურორი მიშიკო ჯანგულაშვილი ყადაღის საქმეზე სააპელაციო სასამართლოშიც დამარცხდა, რაც კიდევ ერთხელ უსვამს ხაზს საქმეში არსებულ სერიოზულ ხარვეზებსა და არაპროფესიულ მიდგომას.

წინა პუბლიკაციაში ჩვენ იმედს ვიტოვებდით, რომ პროკურორი სამართლიანი და მიუკერძოებელი იქნებოდა, თუმცა….

( იხ. ლინკი : https://geonews.org.ge/%e1%83%a1%e1%83%99%e1%83%90%e1%83%9c%e1%83%93%e1%83%90%e1%83%9a%e1%83%98-%e1%83%a1%e1%83%98%e1%83%a6%e1%83%9c%e1%83%90%e1%83%a6%e1%83%98%e1%83%a1-%e1%83%a1%e1%83%90%e1%83%a1%e1%83%90%e1%83%9b%e1%83%90/

მას შემდეგ, რაც ჩვენ განცხადებით მივმართეთ გენერალურ პროკურატურას, უწყება დამატებით ზედამხედველობას გაუწევს ჯანგულაშვილის საქმიანობას, რათა გამოირიცხოს დაზარალებულის უფლებების ხელყოფის რისკი, იქნება ეს პროკურორის არაკომპეტენტურობით გამოწვეული, თუ ნატო კერესელიძესთან და მის სავარაუდო მფარველ ,,TBC” ბანკის დირექტორ ბუცხრიკიძესთან შესაძლო ფარული გარიგების შედეგი.

ბ-ნი ჯანგულაშვილი საქმის მასალების გადმოცემასაც მაქსიმალურად ხელს უშლის, რაც პროკურორის მიკერძოებასა და დამნაშავეზე ხელის დაფარებაზე მიუთითებს.

გარდა ამისა, ბ-ნი ჯანგულაშვილი საქმეზე შემაჯამებელი გადაწყვეტილების მიღებასაც აჭიანურებს, რაც ნიშნავს იმას, რომ დამნაშავესთვის ბრალის წაყენებას არ ჩქარობს. 

საზოგადოება ელოდება გენერალური პროკურატურის სწრაფ და გამჭვირვალე რეაგირებას, რათა სამართლის პრინციპები სრულად იქნას დაცული.

( გაგრძელება იქნება ) 

გიორგი კორძაძე

,,GEO NEWS”