- By Keti Khomeriki
- In მსოფლიო
აშშ-ში ე.წ. შათდაუნი 36-ე დღეა, გრძელდება და ისტორიაში ყველაზე ხანგრძლივი გახდა
ამერიკის შეერთებულ შტატებში ე.წ. შათდაუნი 36-ე დღეა, გრძელდება და ისტორიაში ყველაზე ხანგრძლივი გახდა.
ამერიკის შეერთებულ შტატებში ე.წ. შათდაუნი, რომელიც დაფინანსების შეწყვეტის გამო ფედერალური უწყებების მუშაობის შეჩერებას ნიშნავს, 1-ლი ოქტომბრიდან გამოცხადდა. ამის მიზეზი დემოკრატებსა და რესპუბლიკელებს შორის ბიუჯეტის ახალ პროექტთან დაკავშირებული აზრთა სხვადასხვაობაა. უთანხმოების მთავარი მიზეზი ჯანდაცვის ხარჯებია.
„ბიბისი“-ს ცნობით, ამ დროისთვის ფედერალურ უწყებებში დასაქმებულთა ნაწილი კვლავ ანაზღაურების გარეშე მუშაობს, მილიონობით ამერიკელი კი აუცილებელი სერვისების გარეშე დარჩა.
პარალელურად, დემოკრატები და რესპუბლიკელები, რამდენიმე კვირაა, ბიუჯეტის ახალ პროექტთან დაკავშირებით საერთო გადაწყვეტილებას ვერ აღწევენ.
აშშ-ის ისტორიაში ყველაზე ხანგრძლივი ე.წ. შათდაუნი დონალდ ტრამპის პირველი საპრეზიდენტო ვადის დროს 2018- 2019 წლებში, 35 დღის განმავლობაში გაგრძელდა.
