სამი დაშავებული – ავტომობილი მდინარე ენგურში გადავარდა
მესტიაში, სოფელ დიზში, მსუბუქი ავტომობილი მდინარე ენგურში გადავარდა. შემთხვევის შედეგად სამი ადამიანი დაშავდა. ისინი სასწრაფო დახმარების ბრიგადამ კლინიკაში გადაიყვანა.
თვითმხილველების ინფორმაციით, „მიცუბიშის“ მარკის ავტომობილის მძღოლმა, სავარაუდოდ, საჭე ვერ დაიმორჩილა, რის შედეგადაც მანქანა მდინარეში გადავარდა.
მედიკოსების განცხადებით, დაშავებულთა ჯანმრთელობის მდგომარეობა სტაბილურია.
მოამზადა- ირაკლი მაისურაძემ
