,,GEO NEWS”-ის საგანგებო განცხადება !
,,GEO NEWS“ წარმოადგენს დამოუკიდებელ, მრავალპროფილიან ინტერნეტ-მედიას, რომელიც 2023 წლიდან სისტემატურად აშუქებს საქართველოსა და რეგიონის მნიშვნელოვან სოციალურ, პოლიტიკურ, ეკონომიკურ და საზოგადოებრივ საკითხებს.
ჩვენი რედაქცია მკაცრად იცავს ჟურნალისტიკის პროფესიულ სტანდარტებს, მათ შორის ფაქტების გადამოწმების, დაბალანსებული წარმოდგენისა და საზოგადოებრივი ინტერესის პრიორიტეტად განსაზღვრის
პრინციპს.
,,GEO NEWS”-ის წინააღმდეგ კიბერტექნიკური ხასიათის უკანონო ქმედებები განხორციელდა !
ჩვენმა ტექნიკურმა სამსახურმა ( რომელიც ახორციელებს სერვერის მონიტორინგს ) დააფიქსირა მკვეთრი ზრდა შემომავალი HTTP მოთხოვნების რაოდენობაში. კერძოდ, access log-ის ანალიზმა აჩვენა, რომ ტრაფიკის აბსოლუტური უმრავლესობა წარმოიქმნებოდა IP მისამართების კონკრეტული ბლოკიდან, რომელთა უმეტესობა იდენტიფიცირებული იყო, როგორც ავტომატიზებული ბოტ-ქსელის ( crawler ) ელემენტები, კერძოდ მომხმარებელი-აგენტის „Priver/1.0“ სახელწოდებით.
განსაკუთრებით აღსანიშნავია, რომ ერთ-ერთ IP მისამართზე, მხოლოდ 25-წუთიანი პერიოდის განმავლობაში დაფიქსირდა 10 000-ზე მეტი მოთხოვნა. მთლიანობაში, ხსენებული ქსელიდან საათნახევრის განმავლობაში განხორციელდა ასიათასობით მოთხოვნა. ყველა ეს მოთხოვნა მიმართული იყო WordPress-ის ბირთვისა და მისი დანამატების მიერ გენერირებულ დინამიკურ გვერდებზე – მთავარ გვერდზე, კატეგორიებზე, ინდივიდუალურ სტატიებზე, არქივებსა და ძიების შედეგებზე, რაც, თავის მხრივ, ითხოვს PHP-პროცესორისა და MySQL მონაცემთა ბაზის მნიშვნელოვან რესურსებს.
სერვერის რეაქცია და ინციდენტის მატერიალური შედეგები
ამ ინტენსიური მოთხოვნების ნაკადის შედეგად, ჩვენმა ჰოსტინგ-პროვაიდერმა ( cPanel გარემო ) ჩაწერა HTTP 500 ( Internal Server Error ) და HTTP 503 ( Service Unavailable ) სტატუსის პასუხების მასიური სიხშირე. ეს ობიექტურად მიუთითებს, რომ აპლიკაციის დონეზე PHP/MySQL დამუშავების შესაძლებლობები ამოწურული იყო, რადგან სერვერი ვერ ახერხებდა ყველა შემოსული მოთხოვნის მომსახურებას. ამასთან, როგორც ჩვენმა ტექნიკურმა პარტნიორმა დაადასტურა, ინფრასტრუქტურული თვალსაზრისით ( პროცესორი, მეხსიერება, ქსელის არხები ) არანაირი წინარე გაუმართაობა ან გადატვირთვის პროგნოზი არ არსებობდა – ზრდა იყო მხოლოდ შეტევის გამო.
სამწუხაროდ, ამ დრომდე რედაქცია ვერ ახერხებს მასალების განახლებას საიტზე, რომელიც მხოლოდ read only ( წაკითხვის ) რეჟიმში მუშაობს ამ ეტაპზე.
,,GEO NEWS”-ის ადმინისტრაცია
