- By Keti Khomeriki
- In პოლიტიკა, სიახლეები
კახა კალაძე – საპარლამენტო არჩევნებში „ქართული ოცნების“ გამარჯვება მნიშვნელოვანია, რათა არავის მიეცეს შესაძლებლობა, ჩვენი ქვეყანა სხვათა ინტერესებისთვის იყოს გამოყენებული
პარტია „ქართული ოცნების“ გენერალური მდივანი კახა კალაძე აცხადებს, რომ ქვეყნის მასშტაბით პარტიული ღონისძიებები გრძელდება, პარალელურად კი წინასაარჩევნო სამზადისი იწყება.
როგორც კალაძემ მედიასთან შესაბამისი კითხვის საპასუხოდ აღნიშნა, „ქართული ოცნების“ გამარჯვება ქვეყანაში მშვიდობის შენარჩუნებისა და ეკონომიკური განვითარებისთვის მნიშვნელოვანია.
„პარტიული კონფერენციები გაგრძელდება. ხვალ სამეგრელოში ყველა ქალაქში ჩავალთ. კონფერენციებზე რაიონული პარტიული ორგანიზაციის თავმჯდომარეებსა და ბიუროს წევრებს ავირჩევთ. ქვეყნის მასშტაბით ყველგან ვაპირებთ ჩასვლას. პარალელურად ვიწყებთ საარჩევნო სამზადისს. 2024 წელი ჩვენი ქვეყნის მომავლისთვის მნიშვნელოვანი წელია – არის საპარლამენტო არჩევნები, რასაც პარტია „ქართული ოცნება“ მომზადებული შეხვდება. დარწმუნებული ვარ, ჩვენი ხალხის მხარდამჭერით გამარჯვებას მივაღწევთ. ეს გამარჯვება სჭირდება ჩვენი ქვეყნის მომავალს, მშვიდობის შენარჩუნებასა და ეკონომიკურ განვითარებას, რათა არავის მიეცეს შესაძლებლობა, ჩვენი ქვეყანა გამოყენებული იყოს სხვა ქვეყნის ინტერესებისთვის, გაჩაღდეს მეორე ფრონტი, შეუერთდეს სანქციებს და ამით დაზარალდეს ეკონომიკა“, – განაცხადა კახა კალაძემ.
