- By Keti Khomeriki
- In პოლიტიკა, სიახლეები
ილია დარჩიაშვილი – კანდიდატის სტატუსთან დაკავშირებით ძალიან მნიშვნელოვან ფაზაში შევდივართ, იმედით ველოდებით ევროკომისიის დასკვნას, რომელსაც სულ მალე ვიხილავთ
ძალიან მნიშვნელოვან ფაზაში შევდივართ. მომავალი კვირისთვის უკვე ველოდებით ევროკომისიის დასკვნას, რომელიც იქნება ბილეთი მომავალში, დეკემბერში ევროპული საბჭოს გადაწყვეტილებისთვის, – ამის შესახებ საქართველოს საგარეო საქმეთა მინისტრმა, ილია დარჩიაშვილმა განაცხადა.
დარჩიაშვილის განცხადებით, კანდიდატის სტატუსთან დაკავშირებით ოპტიმისტურად არის განწყობილი, რადგან, მინისტრის თქმით, საქართველოს ამისთვის კონკრეტული ხელშესახები შედეგები აქვს.
„ოპტიმიზმის წყარო არის ჩვენ მიერ გაწეული ძალისხმევა – კონკრეტული ხელშესახები შედეგები, რომელიც კიდევ ერთხელ იქნა განხილული ბორელის საქართველოში ვიზიტის დროს, დამატებითი, შიდა ტექნიკური საკითხები, რომლებზეც ვიზიტის დროს ვისაუბრეთ. კონკრეტული ვიზიტის შემდეგ რა ნაბიჯებიც გადავდგით, ძალიან ძლიერ სიგნალებს გვაძლევს ბრიუსელიდან. შესაბამისად, ოპტიმისტურად ვართ განწყობილი და იმედი გვაქვს, ევროკავშირი მიიღებს ერთადერთ სწორ გადაწყვეტილებას. დღევანდელ განხილვებშიც ძალიან ბევრს საუბრობენ პარტნიორები, რომ ევროკავშირის მხრიდან გეოპოლიტიკური გადაწყვეტილებაც იქნება ერთ-ერთი მთავარი ფაქტორი და რა თქმა უნდა, დამსახურებაზე დამყარებული გადაწყვეტილებები. ოპტიმიზმის საფუძველი გვაქვს და იმედით ველოდებით დასკვნას, რომელსაც სულ მალე ყველა ერთად ვიხილავთ“, – განაცხადა ილია დარჩიაშვილმა.
