- By Keti Khomeriki
- In პოლიტიკა
აქციის მონაწილეების ნაწილი პარლამენტის კარის შემტვრევას ცდილობდა
რუსთაველის გამზირზე, საქართველოს პარლამენტის მიმდებარე ტერიტორიაზე „უცხოური გავლენის გამჭვირვალობის შესახებ“ კანონპროექტს აპროტესტებენ.
აქციის მონაწილეების ნაწილი პარლამენტის კარის შემტვრევას ცდილობდა.
ადგილზე მივიდა აქციის მონაწილეების მეორე ჯგუფი და მოუწოდა მათ მშვიდობიანი აქციისკენ.
ამასთან, აქციის მონაწილეებმა რუსეთის დროშას ცეცხლი წაუკიდეს.
ცოტა ხნის წინ შინაგან საქმეთა სამინისტრომ განცხადება გაავრცელა, რომელშიც აღნიშნულია, რომ სხვადასხვა დანაყოფის წარმომადგენლებმა სრულად დატოვეს პარლამენტის მიმდებარე ტერიტორია და პროტესტის გამომხატველებს შესაძლებლობა აქვთ, აქცია გამართონ მათთვის სასურველ ადგილზე.
ამასთან, შსს მოუწოდებს პოლიტიკური პარტიების ლიდერებს, აქციის ორგანიზატორებსა და მონაწილეებს, არ დაარღვიონ კანონი, პროტესტი გამოხატონ მშვიდ ვითარებაში და არ განახორციელონ ძალადობრივი ქმედებები.
