- By Keti Khomeriki
- In მსოფლიო
ირანის პრეზიდენტი – აშშ-მა უნდა გააცნობიეროს რეალობა და გაიგოს, რომ ირანი არ უპასუხებს ზეწოლას, ჩვენი თავდაცვის დოქტრინა არ შეიცავს ბირთვულ იარაღს
აშშ-მა უნდა გააცნობიეროს რეალობა და ერთხელ და სამუდამოდ გაიგოს, რომ ირანი არ უპასუხებს ზეწოლას, გაიგოს, რომ ირანის თავდაცვის დოქტრინა არ შეიცავს ბირთვულ იარაღს, – ამის შესახებ ირანის პრეზიდენტმა, მასუდ პეზეშკიანმა განაცხადა.
ამასთან, ირანის ახლადარჩეულმა პრეზიდენტმა ხაზი გაუსვა ჩინეთთან და რუსეთთან მეგობრობას.
„ჩინეთი და რუსეთი რთულ პერიოდში მუდმივად გვერდში გვიდგანან. ჩვენ ძალიან ვაფასებთ ამ მეგობრობას. რუსეთი ირანის ღირებული სტრატეგიული მოკავშირე და მეზობელია, ჩემი ადმინისტრაცია დარჩება ჩვენი თანამშრომლობის გაფართოებისა და გაღრმავების ერთგული. ირანელმა ხალხმა მანდო ძლიერი მანდატი, რათა განვაგრძო კონსტრუქციული ჩართულობა საერთაშორისო ასპარეზზე და დაჟინებით მოვითხოვო ჩვენი უფლებების დაცვა, ღირსება და დამსახურებული როლი რეგიონში და მსოფლიოში“, -განაცხადა პეზეშკიანმა.
