- By Keti Khomeriki
- In მსოფლიო
რუსეთის შეიარაღებული ძალებში აცხადებენ, რომ უკრაინის ქვედანაყოფები კურსკის მიმართულებით გადაჯგუფდებიან, რათა შეტევა ახალი მიმართულებით დაიწყონ
უკრაინის შეიარაღებული ძალების ქვედანაყოფები კურსკის მიმართულებით გადაჯგუფდებიან, რათა შეტევა ახალი მიმართულებით დაიწყონ, თუმცა რუსული ძალები სიტუაციას აკონტროლებენ, – ამის შესახებ „ტასს“ რუსეთის შეიარაღებული ძალების მთავარი სამხედრო-პოლიტიკური სამმართველოს უფროსის მოადგილემ, სპეცდანიშნულების რაზმის, „ახმატის“მეთაურმა, გენერალ-მაიორმა, აპტი ალაუდინოვმა განუცხადა.
„ჩვენთან ვითარება კონტროლირებადია. გუშინ ძალიან მძიმე დღე იყო, მოწინააღმდეგემ რამდენიმე შეტევითი ტალღა განახორციელა. მოწინააღმდეგის დიდი ნაწილი, რომელიც გუშინ გვიტევდა, განადგურებულია. განადგურებულია მათი ტექნიკის ნაწილიც. დღეს ვფიქრობთ, რომ მოწინააღმდეგე გადაჯგუფდება, რათა სცადოს სხვა მხრიდან შემოსვლა“, – განაცხადა ალაუდინოვმა.
მისივე თქმით, რუსული ქვედანაყოფები ყველაფერს აკონტროლებენ, აფიქსირებენ და „მზად არიან მოწინააღმდეგესთან შესახვედრად, იმის მიუხედავად, რას მოიმოქმედებენ ისინი“.
