- By Keti Khomeriki
- In სიახლეები
კახა კალაძე – გამჭვირვალობის კანონთან დაკავშირებით პრეზიდენტის საკონსტიტუციო სარჩელი დროის ფუჭად კარგვაა, სხვა არაფერი
ვერანაირი პასუხი ვერ მივიღეთ, ვერც ჩვენ და ვერც ქვეყნის მოსახლეობამ, რატომ არის გამჭვირვალობა ცუდი. სალომე ზურაბიშვილის წამომადგენელს პარლამეტში რა პასუხიც ჰქონდა, ეს იყო – „იმიტომ“. ეს სამწუხარო რეალობაა, – ამის შესახებ დედაქალაქის მერმა, კახა კალაძემ მედიასთან განაცხადა.
კალაძეს სალომე ზურაბიშვილის მიერ გამჭვირვალობის კანონზე საკონსტიტუციო სასამართლოში შეტანილ სარჩელზე დაუსვეს კითხვა.
„ეს უბრალოდ დროის ფუჭად კარგვაა, სხვა არაფერი. აღნიშნული კანონპროქტი, რომელიც ითვალისწინებს და მოითხოვს მხოლოდ გამჭვირვალობას, წარმოუდგენელია, როგორ შეიძლება იყოს ცუდი, ეწინააღმდეგებოდეს ევროპულ კონსტიტუციას ან ევროპულ ღირებულებებს. ეს უბრალოდ იმ ბინძური კამპანიის გაგრძელებაა, რომელსაც ბოლო თვეების განმავლობაში ვხედავდით, თითქოს კანონის მიღებით გავიღვიძებდით რუსეთში და ათასი სისულელე ჟღერდებოდა აღნიშნულ კანონპროექტთან დაკავშირებით. ყველაფერი თქვეს, მთავარის გარდა, თუ რატომ არის გამჭვირვალობა ცუდი“, – განაცხადა თბილისის მერმა.
