- By Keti Khomeriki
- In მსოფლიო
თურქეთში, კაჰრამანმარაშის რეგიონში 5.0 მაგნიტუდის სიმძლავრის მიწისძვრა მოხდა
თურქეთში, კაჰრამანმარაშის რეგიონში 5.0 მაგნიტუდის სიმძლავრის მიწისძვრა მოხდა.
თურქეთის კატასტროფებისა და საგანგებო სიტუაციების მართვის სამსახურის ცნობით, მიწისძვრა კაჰრამანმარაშის პროვინციაში, პაზარჯიკის რაიონში, ადგილობრივი დროით 09:31 საათზე მოხდა.
დაშავებულების შესახებ ამ დრომდე ინფორმაცია არ გავრცელებულა.
შეგახსენებთ, 2023 წლის 6 თებერვალს კაჰრამანმარაშის რეგიონში 7.7 და 7.6 მაგნიტუდის სიმძლავრის ორი მიწისძვრა მოხდა. საუკუნის კატასტროფას, რომელიც დაატყდა თავს კაჰრამანმარაშს, ასევე ჰათაის, ოსმანიეს, ადიამანს, დიარბაქირს, შანლიურფას, გაზიანთეფს, კილისს, ადანას, მალატიასა და ელაზიღს, 53 537 ადამიანი ემსხვერპლა, 107 213 ადამიანი კი დაშავდა.
სამძებრო-სამაშველო ოპერაციაში მსოფლიოს 93 ქვეყანა, მათ შორის საქართველო, იყო ჩართული.
