გეკა გელაძე სახელისუფლებო ვერტიკალს ტოვებს ?
,,GEO NEWS”-ისთვის ექსკლუზიურად ცნობილი გახდა, რომ სუს-ის ყოფილი უფროსი, გეკა გელაძე, რომელმაც სულ ახლახან დატოვა პოსტი და საქმიანობა შინაგან საქმეთა მინისტრის მოადგილის პოზიციაზე განაგრძო, ახლო მომავალში ამ თანამდებობიდანაც წავა.
ჩვენს ხელთ არსებული ინფორმაციით, გეკა გელაძე ზოგადად სახელმწიფო პოლიტიკურ თანამდებობებს დაემშვიდობება და საკუთარ ძალებს მისთვის აქამდე უჩვეულო და ახალ ამპლუაში მოძებნის. როგორც მისი უახლოესი გარემოცვისგან არის ჩვენთვის ცნობილი, იგი თანამდებობას მალე დატოვებს.
გეკა გელაძის პროფესიული ბიოგრაფია სავსეა არაერთ გამოწვევასთან გამკლავებითა და ძლიერი კარიერული აღმასვლით. განსაკუთრებით გამოსაყოფია მისი მოღვაწეობა ძალოვანი სტრუქტურების ხელმძღვანელის პოზიციაზე. საქართველოში ყველას ახსოვს ის წარმატებული კამპანია, რომელიც ბატონი გეკას ხელმძღვანელობით წარიმართა და ასობით თუ არა ათასობით ნარკორეალიზატორი ამხილა და სამართლიანი სასჯელით დაისაჯა.
ჩვენ გვჯერა, რომ ისეთი მაღალი პროფესიული უნარებით დაჯილდოებული და ისეთი გამოცდილი კადრი, როგორიც გეკა გელაძეა ნებისმიერ საქმიანობაში საქართველოს ბურჯი და გულშემატკივარი იქნება.
ქეთი ხომერიკი
,,GEO NEWS”
