• November

    20

    2026
  • 20
  • 0
დონალდ ტრამპმა ვლადიმერ პუტინთან და სი ძინპინთან შეხვედრა ისტორიული მნიშვნელობით 1945 წლის იალტის კონფერენციას შეადარა – „ეს საოცარი მოვლენა იყო“

დონალდ ტრამპმა ვლადიმერ პუტინთან და სი ძინპინთან შეხვედრა ისტორიული მნიშვნელობით 1945 წლის იალტის კონფერენციას შეადარა – „ეს საოცარი მოვლენა იყო“

აშშ-ის პრეზიდენტმა, დონალდ ტრამპმა ჩინეთში რუსეთისა და ჩინეთის ლიდერებთან გამართულ სამმხრივ შეხვედრას „სამეულის სამიტი“ უწოდა.

თეთრ სახლში გამართულ პრესკონფერენციაზე ტრამპმა განაცხადა, რომ შეხვედრა „ნამდვილად გადაიქცა სამეულის სამიტად“.

ამერიკის პრეზიდენტის შეფასებით, აზიაში მისი ვიზიტის ფარგლებში გამართულმა შეხვედრებმა ხელი შეუწყო საერთაშორისო მშვიდობისა და უსაფრთხოების განმტკიცებას.

„ოთხი დღის განმავლობაში შევხვდი მსოფლიოს 20-ზე მეტ ლიდერს, გავაფორმე ორი ახალი სავაჭრო შეთანხმება, კიდევ დაახლოებით ათს კი უახლოეს მომავალში მოვაწერთ ხელს. მონაწილეობა მივიღე ოთხ მნიშვნელოვან საერთაშორისო სამიტში, კიდევ ერთხელ დავადასტურე შეერთებული შტატების მოკავშირეობა რეგიონის ქვეყნებთან და ხელი შევუწყვე მსოფლიოში მშვიდობისა და უსაფრთხოების განმტკიცებას“, – განაცხადა ტრამპმა.

მისივე შეფასებით, ეს იყო ამერიკის პრეზიდენტის ერთ-ერთი ყველაზე წარმატებული ვიზიტი აზიაში.

ამასთან, დონალდ ტრამპმა ჩინეთში რუსეთისა და ჩინეთის ლიდერებთან გამართული სამმხრივი შეხვედრის ისტორიული მნიშვნელობა 1945 წლის იალტის კონფერენციას შეადარა, რომელშიც აშშ-ის პრეზიდენტი ფრანკლინ რუზველტი, დიდი ბრიტანეთის პრემიერ-მინისტრი უინსტონ ჩერჩილი და საბჭოთა კავშირის ლიდერი იოსებ სტალინი მონაწილეობდნენ.

თეთრ სახლში გამართულ პრესკონფერენციაზე ტრამპმა განაცხადა, რომ თავდაპირველად შეხვედრას იალტის კონფერენციის თანამედროვე ანალოგად არ განიხილავდა, თუმცა მოგვიანებით გააცნობიერა მისი შესაძლო ისტორიული მნიშვნელობა.

„იალტა მნიშვნელოვანი მოვლენა იყო. ამაზე არ მიფიქრია. უბრალოდ, შეხვედრაზე მივდიოდი იმ განწყობით, რომ ამ ორ ადამიანთან შესანიშნავი ურთიერთობა მაქვს და ჩვენს უთანხმოებებს მოვაგვარებთ. ჩვენ მათი მოგვარება შევძელით.

შემდეგ კი გავაცნობიერე, რამდენად მნიშვნელოვანი იყო ეს შეხვედრა. ეს საოცარი მოვლენა იყო“, – თქვა აშშ-ის პრეზიდენტმა.

LEAVE A COMMENT

Your comment will be published within 24 hours.

COST CALCULATOR

Use our form to estimate the initial cost of renovation or installation.

REQUEST A QUOTE
Latest Posts
Most Viewed
Text Widget

Here is a text widget settings ipsum lore tora dolor sit amet velum. Maecenas est velum, gravida Vehicula Dolor