- By Keti Khomeriki
- In მსოფლიო
დრონებით თავდასხმების გამო მოსკოვის ყველა აეროპორტმა მუშაობა შეაჩერა
დრონებითა და “აეროსტატებით” თავდასხმების გამო მოსკოვის ყველა აეროპორტმა მუშაობა შეაჩერა. ამის შესახებ ინფორმაციას რუსული მედია ავრცელებს.
კერძოდ, აღინიშნება, რომ მოსკოვის ოთხივე აეროპორტმა – “ვნუკოვომ”, “შერემეტიევომ”, “დომოდედოვომ” და “ჟუკოვსკიმ” – დრონებითა და აეროსტატებით თავდასხმების ფონზე მუშაობაზე დროებითი შეზღუდვები შემოიღეს. შეზღუდვები ადგილობრივი დროით, დაახლოებით 15:40 საათზე ამოქმედდა.
FlightRadad24-ის სერვისის ინფორმაციით, ყველაზე მეტად შეფერხებები აეროპორტ “ვნუკოვოს” შეეხო: რეისების 40%-ზე მეტი შეფერხდა, შეფერხების საშუალო ხანგრძლივობა 102 წუთს შეადგენს, ხოლო რეისების კიდევ 10% გაუქმდა.
მოსკოვის რეგიონის აეროპორტებს შეფერხებები 9 ოქტომბრის წინა ღამესაც შეეხო. მაშინ, დრონებით თავდასხმების საფრთხის გამო დაიხურა “ვნუკოვო”, “დომოდედოვო” და “ჟუკოვსკი”. ღამის განმავლობაში 150-ზე მეტი რეისი შეფერხდა.
