- By Keti Khomeriki
- In მსოფლიო
ვიქტორ ორბანი – ჩვენი ოპონენტები უცხო ქვეყნის საიდუმლო სამსახურებთან თანამშრომლობენ, ჩვენს მხარდამჭერებს ემუქრებიან, შეთხზული ბრალდებებით არჩევნების გაყალბებაზე საუბრობენ
ჩვენი მოწინააღმდეგეები ძალაუფლების ხელში ჩაგდების მიზნით არაფერზე დაიხევენ უკან, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.
ვიქტორ ორბანის თქმით, მისი ოპონენტები უცხო ქვეყნის საიდუმლო სამსახურებთან თანამშრომლობენ და ხელისუფლების მხარდამჭერებს ძალადობით ემუქრებიან.
„ჩვენი ოპონენტები ძალაუფლების ხელში ჩაგდების მიზნით არაფერზე დაიხევენ უკან. ისინი უცხო ქვეყნის საიდუმლო სამსახურებთან თანამშრომლობენ, ჩვენს მხარდამჭერებს ძალადობით ემუქრებიან და არჩევნებამდეც კი, შეთხზული ბრალდებებით არჩევნების გაყალბებაზე საუბრობენ. ისინი თქვენი ხმების დათვლამდეც კი დემონსტრაციებსა და არეულობას აწყობენ. მოდით, ნათლად ვთქვათ! ეს არის ორგანიზებული მცდელობა ქაოსის, ზეწოლისა და საერთაშორისო დისკრედიტაციის გზით ეჭვქვეშ დააყენონ უნგრელი ხალხის გადაწყვეტილება“ – განაცხადა უნგრეთის პრემიერ-მინისტრმა.
