• September

    30

    2026
  • 81
  • 0
ირაკლი ქადაგიშვილი – ევროკავშირი შეიძლება, თანაბარ სახელმწიფოთა კავშირიდან გადაიქცეს კავშირად, სადაც გადაწყვეტილების მიღებისას პატარა ქვეყნების აზრი აღარ ჩაითვლება მნიშვნელოვნად

ირაკლი ქადაგიშვილი – ევროკავშირი შეიძლება, თანაბარ სახელმწიფოთა კავშირიდან გადაიქცეს კავშირად, სადაც გადაწყვეტილების მიღებისას პატარა ქვეყნების აზრი აღარ ჩაითვლება მნიშვნელოვნად

ევროკავშირში დიდი კრიზისია და ამ კრიზისის დაძლევის გზად მიჩნეული აქვთ, დიდ ქვეყნებს, ანუ, კავშირის ძველ წევრებს ჰქონდეთ ექსკლუზიური უფლება გადაწყვეტილებების მიღების, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.

მისივე თქმით, ვეტოს მექანიზმის დაძლევის მიღების შემდეგ ევროკავშირში უმრავლესობას და ძირითადად დიდ ქვეყნებს აბსოლუტური უფლება ექნებათ, ის გადაწყვეტილება მიიღონ, რაც ყველაზე მნიშვნელოვანია.

„ევროკავშირი ნელ-ნელა თანაბარ სახელმწიფოთა კავშირიდან, შეიძლება, ერთგვარ კავშირად გადაიქცეს, სადაც გადაწყვეტილების მიღების დროს პატარა ქვეყნების ან ერთი ქვეყნის აზრი აღარ ჩაითვალოს მნიშვნელოვნად. პირველი ჩამონათვალი, რასაც შეიძლება, ეს ეხებოდეს, არის გაფართოების, უსაფრთხოების, ფინანსური და საგარეო პოლიტიკის საკითხები. ყველა ის ძირითადი თემა, რაც ყველაზე მნიშვნელოვანია ამა თუ იმ ქვეყნისთვის რაიმე საერთაშორისო ორგანიზაციაში ყოფნის დროს, აღარ იქნება დამოკიდებული სხვა ქვეყნის ინტერესზეც. უმრავლესობას და ძირითადად დიდ ქვეყნებს აბსოლუტური უფლება ექნებათ, ის გადაწყვეტილება მიიღონ, რაც ყველაზე უფრო მნიშვნელოვანია.

ეს კიდევ ერთხელ აჩვენებს, რომ ევროკავშირში დიდი კრიზისია და ამ კრიზისის დაძლევის გზად მიჩნეული აქვთ, დიდ ქვეყნებს, ანუ, კავშირის ძველ წევრებს ჰქონდეთ ექსკლუზიური უფლება გადაწყვეტილებების მიღების და ახალი წევრები ან მცირე სახელმწიფოები უნდა იყვნენ დიდი ქვეყნების, ან ძველი სახელმწიფოების გადაწყვეტილების ფარვატერში დამდგარი“, – განაცხადა ქადაგიშვილმა.

LEAVE A COMMENT

Your comment will be published within 24 hours.

COST CALCULATOR

Use our form to estimate the initial cost of renovation or installation.

REQUEST A QUOTE
Latest Posts
Most Viewed
Text Widget

Here is a text widget settings ipsum lore tora dolor sit amet velum. Maecenas est velum, gravida Vehicula Dolor