- By Keti Khomeriki
- In მსოფლიო
ოლაფ შოლცი აცხადებს, რომ გერმანიაში კარგად ინტეგრირებულ სირიელ დევნილებს ქვეყანაში დარჩენის შესაძლებლობა ექნებათ
გერმანიის კანცლერი ოლაფ შოლცი აცხადებს, რომ გერმანიაში კარგად ინტეგრირებულ სირიელ დევნილებს ქვეყანაში დარჩენის შესაძლებლობა ექნებათ.
„ყველა, ვინც აქ მუშაობს, ვინც კარგად არის ინტეგრირებული, არის და იქნება სასურველი სტუმარი გერმანიაში. ეს ცხადია“, – განაცხადა შოლცმა.
მისივე თქმით, მხოლოდ გერმანიის საავადმყოფოებში 5 000 სირიელი ექიმი მუშაობს.
„ლტოლვილთა ნაწილი იმედოვნებს, რომ მალე შეძლებენ სირიაში დაბრუნებას. ჩვენც მხარს დავუჭერთ ამას, როგორც კი სიტუაცია მათ ამის საშუალებას მისცემს“, – აღნიშნა შოლცმა.
შეგახსენებთ, ასადის რეჟიმის დამხობის შემდეგ ევროპის არაერთმა ქვეყანამ განაცხადა, რომ აჩერებენ სირიის მოქალაქეების მიერ თავშესაფრის მოთხოვნის განხილვას.
