ორბელიანების სასახლესთან აქციის მონაწილეებთან სალომე ზურაბიშვილი მივიდა
პრეზიდენტი, სალომე ზურაბიშვილი ორბელიანების სასახლესთან მისულ აქციის მონაწილეებს შეხვდა.
ორბელიანების სასახლესთან იმყოფებიან სახელოვნებო სფეროს წარმომადგენლები, რესტავრატორები, ხელოვნებათმცოდნეებისა და IT სფეროს წარმომადგენლები, რომლებიც მარშით მივიდნენ პრეზიდენტის ადმინისტრაციისათან.
აქციის მონაწილეები პრეზიდნეტის გამოჩენას ტაშით და ოვაციებით შეხვდნენ.
აქციის მონაწილეები სასახლესთან აცხადებდნენ, რომ სალომე ზურაბიშვილი არის საქართველოს ერთადერთი ლეგიტიმური მმართველი. მათ მადლობა გადაუხადეს სალომე ზურაბიშვილს იმისთვის, რასაც “პრეზიდენტი საქართველოსთვის აკეთებს”.
პრეზიდენტს მედიასთან კომენტარი არ გაუკეთებია.
თავდაპირველად სახელოვნებო სფეროს წარმომადგენლები, რესტავრატორები, ხელოვნებათმცოდნეები მარჯანიშვილის მოედანთან შეიკრიბნენ. მსვლელობისას მტკვრის მარცხენა სანაპიროზე მათ IT სფეროს წარმომადგენლებიც შეუერთდნენ. ასევე, მანიფესტანტებმა საკუთარი პოზიცია კულტურის სამინისტროსთანაც გააჟღერეს.
მსვლელობის მონაწილეები ამ დროისთვის, უკვე გადაადგილდებიან თავისუფლების მოედნის მიმართულებით, მსვლელობა პარლამენტთან დასრულდება, სადაც აქციას შეუერთდებიან, რომელიც უკვე მეთვრამეტე დღეა გრძელდება.
