
,,საქართველოს აზერბაიჯანელთა ეროვნული კონგრესი” ღრმა მწუხარებას გამოხატავს ფონიჭალაში მომხდარი ტრაგედიის გამო, გულწრფელ სამძიმარს უცხადებს გარდაცვლილთა ოჯახებს, დაშავებულებს სწრაფ გამოჯანმრთელებას უსურვებს
,,საქართველოს აზერბაიჯანელთა ეროვნული კონგრესი” ღრმა მწუხარებას გამოხატავს საქართველოში – ფონიჭალაში მომხდარი გაზის ტრაგიკული აფეთქების შედეგად ექვსი ადამიანის დაღუპვის გამო და გულწრფელ სამძიმარს უცხადებს გარდაცვლილთა ოჯახებს, ახლობლებსა და ყველა იმ ადამიანს, ვისთვისაც ეს უმძიმესი დანაკარგი აუნაზღაურებელი ტკივილია.
,,ადამიანის სიცოცხლის დაკარგვაზე მძიმე და მტკივნეული არაფერია. თითოეული დაღუპული ადამიანის სიცოცხლე განუმეორებელი სამყაროა, რომლის შეწყვეტაც უდიდეს სიცარიელეს ტოვებს ოჯახებში, ახლობლებისა და მთლიანად საზოგადოების გულებში. ამგვარი ტრაგედია კიდევ ერთხელ გვახსენებს ადამიანის სიცოცხლის ფასს, მის განსაკუთრებულ მნიშვნელობას და იმ პასუხისმგებლობას, რომელიც ერთმანეთის მიმართ გვაკისრია.
ამ უმძიმეს წუთებში ჩვენი თანაგრძნობა და სოლიდარობა გარდაცვლილთა ოჯახის წევრებსა და ახლობლებს ეკუთვნით. ვიზიარებთ მათ აუწერელ ტკივილს, ვუსამძიმრებთ ამ მძიმე დანაკარგს და ვუსურვებთ ძალას, გამძლეობასა და სულიერ სიმტკიცეს იმ განსაცდელის გადასატანად, რომლის წინაშეც ცხოვრებამ ისინი
ასე მოულოდნელად და დაუნდობლად დააყენა.
ასევე, გულწრფელად ვუსურვებთ დაშავებულ ხუთ ადამიანს ჯანმრთელობის მდგომარეობის გაუმჯობესებასა და სრულ გამოჯანმრთელებას. იმედი გვაქვს, რომ თითოეული მათგანი მალე დაუბრუნდება სიცოცხლის ჩვეულ რიტმს და კვლავ შეძლებს საყვარელ ადამიანებთან ერთად მშვიდობიანი დღეების გატარებას.
განსაკუთრებით მნიშვნელოვანია, რომ ასეთ მძიმე ვითარებაში საზოგადოებამ შეინარჩუნოს სიმშვიდე, გონიერება და სულიერი სიმტკიცე. ტრაგედიის დროს ადამიანური ემოციები ბუნებრივად ძლიერდება, ტკივილი და სასოწარკვეთა კი ზოგჯერ ყოველგვარ სიტყვას აღემატება. თუმცა, სწორედ ასეთ წუთებში ვლინდება ადამიანის შინაგანი ძალა და საზოგადოების ნამდვილი სახე. სიმშვიდე არ ნიშნავს გულგრილობას, ისევე როგორც სიმტკიცე არ ნიშნავს ტკივილის უარყოფას. პირიქით, ეს არის ძალა, უმძიმესი განცდების მიუხედავად, შევინარჩუნოთ ადამიანობა, ერთმანეთის მხარდაჭერის უნარი, პასუხისმგებლობა და განსჯის ნიჭი.
განსაცდელის წინაშე დგომისას განსაკუთრებით საჭიროა ურთიერთთანადგომა, თანაგრძნობა და ერთიანობა. სიტყვას, ყურადღებას, დახმარების გაწვდას და უბრალო ადამიანურ თანადგომასაც კი, შეუძლია იმედის გაჩენა იქ, სადაც ტკივილმა თითქოს ყველაფერი დაჩრდილა. ასეთ დროს ჩვენი მთავარი ვალია, არ დავტოვოთ გასაჭირში მყოფი ადამიანები მარტო და საერთო ძალისხმევით შევუმსუბუქოთ მათ ეს უმძიმესი დღეები.
დიდი ტრაგედიის წინაშე ყველა განსხვავება უკანა პლანზე უნდა გადავიდეს, რადგან ადამიანის სიცოცხლე, ღირსება და ერთმანეთისადმი თანაგრძნობა ის ფასეულობებია, რომლებიც ყველას გვაერთიანებს.
ვუსამძიმრებთ გარდაცვლილთა ოჯახებს. ღმერთმა ნათელში ამყოფოს მათი სულები, ხოლო მათ ახლობლებს მისცეს ძალა და გამძლეობა ამ გამოუთქმელი ტკივილის გადასატანად”.
,,საქართველოს აზერბაიჯანელთა ეროვნული კონგრესის” თავჯდომარე,
ბ-ნი ალი ბაბაევი
მოამზადა – ირაკლი კერესელიძემ
,,GEO NEWS”





