- By Keti Khomeriki
- In სამართალი
სუს-ის მიერ ჯაშუშობის ბრალდებით დაკავებული პირი გულბაათ რცხილაძეა
სახელმწიფო უსაფრთხოების სამსახურში ადასტურებენ, რომ ჯაშუშობის ბრალდებით დაკავებულია გულბაათ რცხილაძე.
გულბაათ რცხილაძე ორგანიზაცია „ევრაზიიის ინსტიტუტის“ დამფუძნებელია.
ამასთან, არსებული ინფორმაციით, რცხილაძის სახელზე დარეგისტრებულია რამდენიმე ორგანიზაცია, მათ შორის, „კავკასიური თანამშრომლობა“, „საქართველოს უკვდავი ჯარი“, „სახალხო მოძრაობა ქართულ-რუსული დიალოგისა და თანამშრომლობისთვის“.
ცნობისთვის, სუს-ში დღეს გამართულ ბრიფინგზე განაცხადეს, რომ ჯაშუშობის ბრალდებით დააკავა ერთ-ერთი არასამთავრობო ორგანიზაციის ხელმძღვანელი, რომელიც ორი უცხო ქვეყნის სპეცსამსახურებს გადასცემდა ინფორმაციას.
სუს-ის ცნობით, დაკავებულს შესაბამისი აქტივობების წარმართვის მიზნით შექმნილი ჰქონდა საინფორმაციო პლატფორმები და ორგანიზებას უწევდა ქვეყნის მასშტაბით სხვადასხვა ღონისძიების ჩატარებასაც.
