- By Keti Khomeriki
- In მსოფლიო
თურქეთის საგარეო საქმეთა მინისტრი – ისრაელი გლობალური მშვიდობისთვის მთავარი საფრთხეა, რასაც ხელს უწყობენ ქვეყნები, რომლებიც იარაღით ამარაგებენ და პოლიტიკურ მხარდაჭერას უცხადებენ
ისრაელი გლობალური მშვიდობისთვის მთავარი საფრთხეა, – ამის შესახებ თურქეთის საგარეო საქმეთა მინისტრმა, ჰაკან ფიდანმა განაცხადა.
ფიდანის თქმით, ამას ხელს უწყობენ ქვეყნები, რომლებიც მას იარაღით ამარაგებენ და პოლიტიკურ მხარდაჭერას უცხადებენ.
„დღეს ისრაელი საერთაშორისო მშვიდობისა და უსაფრთხოებისთვის მთავარი საფრთხე გახდა, მაგრამ ისრაელი მარტო არ არის. არსებობენ ქვეყნები, რომლებიც ისრაელს უჭერენ მხარს, აწვდიან მას იარაღს და უცხადებენ პოლიტიკურ მხარდაჭერას“, – განაცხადა ფიდანმა იორდანიის საგარეო საქმეთა მინისტრთან, აიმან საფადისთან ერთად გამართულ პრესკონფერენციაზე.
ფიდანმა აღნიშნა, რომ ისრაელი, ერთ წელზე მეტია, ღაზაში გენოციდს ახორციელებს და ახლა ისრაელის პრემიერ-მინისტრი ბენიამინ ნეთანიაჰუ ლიბანის თანდათანობით ოკუპაციას ცდილობს.
