- By Keti Khomeriki
- In პოლიტიკა
ნადიმ ხმალაძე – მჯერა, რომ მარში არის ხალხის ორგანიზებული, ვინმე ვინმეს ეძახის, გამოდიო? არავინ არავის ეძახის
ხალხს არ უნდა ის, რასაც 12 წელიწადია გვახვევს თავს რუსული ხელისუფლება, რომელმაც დაირქვა „ქართული ოცნება“, – ამის შესახებ უკრაინაში მებრძოლმა, აქტივისტმა, ნადიმ ხმალაძემ დღევანდელ მარშზე განაცხადა.
ხმალაძის თქმით, დღევანდელი დღე საზოგადოების მიერ არის ორგანიზებული.
„ჩემთვის არის ძალიან მაგარი დღე მხოლოდ იმიტომ, რომ გამარჯვების დასადასტურებლად ჩვენ შევიკრიბებით 26 ოქტომბერს. ქართველი ხალხის ორგანიზებულია ეს, კონკრეტულად არავის უთქვამს ჩემთვის, ამიტომ, მე მჯერა, რომ ეს არის ხალხის ორგანიზებული. ვინმე ვინმეს ეძახის, გამოდიო? არავინ არავის ეძახის. ამ ხალხს არ უნდა ის, რასაც 12 წელიწადია გვახვევს თავს რუსული ხელისუფლება, რომელმაც დაირქვა „ქართული ოცნება“, – განაცხადა ფხალაძემ.
„საქართველო ირჩევს ევროკავშირს“ – ამ სახელწოდებით სხვადასხვა ლოკაციიდან თავისუფლების მოედნამდე მარში იმართება.
