- By Keti Khomeriki
- In პოლიტიკა
გია ვოლსკი – ქვეყნის შიგნით თუ გარეთ უამრავი პოლიტიკური ფიგურა საქართველოს ომში ჩართვას ითხოვდა, ზელენსკიდან დაწყებული ლომჯარიათი დამთავრებული
ქვეყნის შიგნით თუ გარეთ უამრავი პოლიტიკური ფიგურა საქართველოს ომში ჩართვას ითხოვდა, ზელენსკიდან დაწყებული ლომჯარიათი დამთავრებული, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.
მისივე თქმით, საქართველოს საომარ ქმედებებში ჩართვა ქვეყანას დიდი ხნის განმავლობაში წელში ვერ გაასწორებდა.
„ქვეყნის შიგნით თუ გარეთ უამრავი პოლიტიკური ფიგურა საქართველოს ომში ჩართვას ითხოვდა, ზელენსკიდან დაწყებული ლომჯარიათი დამთავრებული. ხმამაღალ განცხადებებს თუ არ აკეთებდნენ, ქმედება დავინახეთ – ომში რომ არ ჩავერთეთ, ზელენსკიმ საქართველოდან ელჩი გაიწვია. არასამთავრობო ორგანიზაციებს ხედავთ, რომლებიც დაფინანსებული არიან კონკრეტული ფონდების და კონკრეტული ქვეყნების მიერ. გამოდიან და პირდაპირ ამბობენ, რომ საქართველო ომში უნდა ჩაერთოს. მეტი რა მტკიცებულებაა საჭირო?
ძირითადი მიმართულება, რომ საქართველო უნდა ჩაერთოს საომარ მოქმედებებში, ეს თემა დღის წესრიგში დგას. ორი ძალა როდესაც ერთმანეთის მიმართ დაპირისპირებულია, რასაკვირველია, ყველა თავისი ინტერესის გატარებას ცდილობს. საქართველოს ჩართულობა ამ საომარ მოქმედებებში რუსეთის გარკვეულ პრობლემებს შეუქმნიდა, მაგრამ საქართველოსთვის ისეთი დამანგრეველი იქნებოდა, რომ ქვეყანა დიდი ხნის განმავლობაში წელში ვეღარ გასწორდებოდა“, – აღნიშნა ვოლსკიმ.
