- By Keti Khomeriki
- In მსოფლიო
ლიბანში, საავადმყოფოს მახლობლად ისრაელის თავდასხმას 13 ადამიანი ემსხვერპლა
ლიბანში, რაფიკ ჰარირის საუნივერსიტეტო საავადმყოფოს მახლობლად ისრაელის თავდასხმას 13 ადამიანი ემსხვერპლა, მათ შორის ერთი ბავშვი.
ამის შესახებ ინფორმაციას ლიბანის ჯანდაცვის სამინისტრო ავრცელებს.
გავრცელებული ცნობით, დაშავებულთა რიცხვი 57-მდე გაიზარდა, 17-ს ჰოსპიტალიზაცია ესაჭიროება, შვიდი კი მძიმე მდგომარეობაშია.
განცხადებაში ნათქვამია, რომ თავდასხმამ ასევე მნიშვნელოვანი ზიანი მიაყენა რაფიკ ჰარირის საუნივერსიტეტო საავადმყოფოს.
პარალელურად, ისრაელის მედია წერს, რომ ისრაელის თავდაცვის ძალებმა ლიბანის დედაქალაქ ბეირუთში „ჰეზბოლას“ სამხედრო-საზღვაო ბაზა დაბომბა.
ისრაელის საჰაერო ძალებმა ბეირუთზე გასულ ღამეს 15 თავდასხმა განახორციელეს.
