წინასაარჩევნო გაფრთხილება – ,,ქვეყნის სამსახური ყველგან მსხვერპლია და არა სეირი”
„ არჩევნებში ერთადაერთი ვინც მარცხდება – ამომრჩეველია“ – არ ვიცი ვის ეკუთვნის ეს სიტყვები, მგონი ვიღაც ძველ ამერიკელ სახელმწიფო მოღვაწეს. ჩვენ არ უნდა დავმარცხდეთ, დემოკრატიას, ეროვნულ ფასეულობებსა და ევროპულ ღირებულებებს, პოლიტიკურ რეკლამებში და უგულოდ მხოლოდ სადღეგრძელოებში არ უნდა ვიყენებდეთ. არც ერთმანეთის მიმართ ასეთი აგრესია და ლანძღვა – გინება გვიშველის და ფრთხილად უნდა ვიყოთ.
რაც არ უნდა იყოს, უნდა ვიცოდეთ და უნდა გვახსოვდეს, მერაბ კოსტავას ეს უნიკალური სიტყვები – „ თუ ოდესმე რამეს ვუხსნივართ, ისევ სიყვარულის ძალას და მომავალშიც იგი იქნება ჩვენი სიმაგრე “.
,,ქართველმა ხალხმა იცის, რომ სულის სიყვარულის ძალასთან ერთად, სულის უკვდავების იდეაც მუდამ დარჩება ქართველი ხალხის ქვაკუთხედურ იდეად“. თუ გარეშე მტერი გვყავსო ვამბობთ და მსოფლიო პოლიტიკის ურთულეს პროცესებში ასეთი პატარა ქვეყანა ისევ ვეძებთ გამოსავალს, როგორც ეს ისტორიულად ხდებოდა. გონიერება გვმართებს, ასე მოვსულვართ აქამდე. გარეშე მტერს ხომ გაახარებს ჩვენი დასუსტება და ბოლოს ილიას სიტყვებით გეტყვით რომ – „ ქვეყნის სამსახური ყველგან მსხვერპლია და არა სეირი “.
დათო ქაქუთია
