- By Keti Khomeriki
- In პოლიტიკა
ფრანგი ევროპარლამენტარი – ზურაბიშვილი არჩევნების მასობრივ გაყალბებას აპროტესტებდა, ახლა, როცა პროკურატურა მტკიცებულებებს ითხოვს, არ იცის, რა თქვას, შეგიძლია, იყო პრეზიდენტი, ამავდროულად, სასაცილო
ფრანგი ევროპარლამენტარი ტიერი მარიანი საქართველოს პრეზიდენტის, სალომე ზურაბიშვილის მიერ პროკურატურაში გამოკითხვასთან დაკავშირებით დღეს გაკეთებულ განცხადებას სოციალურ ქსელში ეხმაურება.
„საქართველოში არჩევნების საღამოს ის მასობრივ გაყალბებას აპროტესტებდა. ახლა კი არ იცის, რა თქვას, როდესაც პროკურატურა მისი ბრალდებების მტკიცებულებებს ითხოვს. შენ შეგიძლია, იყო პრეზიდენტი და, ამავდროულად, იყო სასაცილო“, – წერს ევროპარლამენტარი.
საქართველოს პროკურატურამ, ცენტრალური საარჩევნო კომისიის მიმართვის საფუძველზე, საპარლამენტო არჩევნების სავარაუდო გაყალბების ფაქტზე გამოძიება დაიწყო. არჩევნების გაყალბებასთან დაკავშირებული განცხადებების გამო სალომე ზურაბიშვილი პროკურატურაში გამოკითხვაზეა დაბარებული.
ამ თემასთან დაკავშირებით გამართულ ბრიფინგზე საქართველოს პრეზიდენტმა, სალომე ზურაბიშვილმა აღნიშნა: „ნებისმიერ ნორმალურ ქვეყანაში საგამოძიებო ორგანო თავად მოიპოვებს მტკიცებულებებს და არ ითხოვს მტკიცებულებებს პრეზიდენტისგან. საგამოძიებო ორგანოს თვითონ უნდა მოეპოვებინა მტკიცებულებები, პროკურატურას ვურჩევდი, შეუდგეს თავის საქმეს“.
