ნაძალადევის რაიონში, სპორტული კომპლექსის შენობაში ხანძარი იყო

თბილისში, ნაძალადევის რაიონში, სპორტული კომპლექსის შენობაში ხანძარი იყო.

ცეცხლი შენობის მეორე, მესამე სართულსა და სახურავზე გაჩნდა.

საგანგებო სიტუაციების მართვის სამსახურის ინფორმაციით, ხანძრის დროს შენობაში იმყოფებოდნენ ადამიანები და მეხანძრე-მაშველებმა დროულად შეძლეს მათი ევაკუაცია. მათივე ცნობით, შემთხვევის შედეგად არავინ დაშავებულა.

შემთხვევის ადგილზე ხუთი სახანძრო-სამაშველო ჯგუფი მუშაობდა.

ადგილზე იმყოფებოდა ნაძალადევის გამგებელი ირაკლი ხელაძე. მისი განცხადებით, უახლოეს დღეებში დადგინდება ზარალის ოდენობა.