რუსთაველის გამზირზე საპროტესტო აქცია დღეისთვის დასრულებულია
რუსთაველის გამზირზე საპროტესტო აქცია დღეისთვის დასრულდა. ადგილზე აქციის მონაწილეების მცირე ნაწილი რჩება.
მოქალაქეები უკვე მე-20 დღეა საკანონმდებლო ორგანოსთან იკრიბებიან.
დღევანდელ აქციას შეუერთდნენ სხვადასხვა სფეროს წარმომადგენლები, რომელთა შორის იყვნენ: სტუმარ-მასპინძლობის სფეროს წარმომადგენლები, ასევე თბილისის სახელმწიფო უნივერსიტეტისა და ილიას სახელმწიფო უნივერსიტეტის სტუდენტები, ლექტორები და ისტორიკოსები.
ინფორმაციისთვის, მოქალაქეები „ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. მათი მოთხოვნა უცვლელია – დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.
