კახა კალაძე – ყველა დედას ვულოცავ დედის დღეს, მათი ამაგი ძალიან დიდია, რასაც შვილები ვერასდროს გადავიხდით
დედაქალაქის მერმა, კახა კალაძემ დედებს 3 მარტის დღესასწაული მიულოცა.
„მინდა, ყველა დედას მივულოცო დედის დღე. ვუსურვებ მათ ბედნიერებას, სიხარულს, ყოველივე საუკეთესოს. დედის ამაგი ძალიან დიდია და მას ჩვენ, შვილები ვერასდროს გადავიხდით. ზოგადად, მშობელს შვილის მიმართ რა სურვილიც აქვს, ამას ცოტა მოგვიანებით ვხვდებით, როცა თავად გვიჩნდება შვილები. შესაბამისად, ძალიან კარგად მესმის, რა დამოკიდებულება აქვს დედას შვილის მიმართ. ყველა დედას დიდხანს სიცოცხლეს, ჯანმრთელობას და დღეგრძელობას ვუსურვებ“, – აღნიშნა კახა კალაძემ.
