- By Keti Khomeriki
- In მსოფლიო
დიდი ბრიტანეთის შეიარაღებული ძალების მინისტრი აცხადებს, რომ უკრაინაში ერთთვიანი ზავის თაობაზე ინიციატივის შესახებ საფრანგეთსა და ბრიტანეთს შორის არანაირი შეთანხმება არ არის მიღწეული
დიდი ბრიტანეთის შეიარაღებული ძალების მინისტრი ლუკ პოლარდი აცხადებს, რომ უკრაინაში ერთთვიანი ზავის თაობაზე ინიციატივის შესახებ საფრანგეთსა და ბრიტანეთს შორის „არანაირი შეთანხმება“ არ არის მიღწეული.
პოლარდის თქმით, „სხვადასხვა ვარიანტი განიხილება კონფიდენციალურად“.
როგორც ბრიტანეთის შეიარაღებული ძალების მინისტრმა განმარტა, მნიშვნელოვანია ისეთი გეგმის შემუშავება, რომელიც „რაც შეიძლება მალე“ უზრუნველყოფს ხანგრძლივ მშვიდობას.
ცნობისთვის, მანამდე ფრანგულმა გამოცემა „ფიგარომ“ (Le Figaro) გაავრცელა ინფორმაცია, რომ საფრანგეთის პრეზიდენტი ემანუელ მაკრონი და დიდი ბრიტანეთის პრემიერ-მინისტრი კირ სტარმერი უკრაინაში ცეცხლის ერთთვიანი შეწყვეტის ინიციატივით გამოდიან.
