- By Keti Khomeriki
- In მსოფლიო
„როიტერი“ – თეთრი სახლი ვოლოდიმირ ზელენსკის ალასკაზე მიწვევის საკითხს განიხილავს
თეთრი სახლი უკრაინის პრეზიდენტის, ვოლოდიმირ ზელენსკის ალასკაზე მიწვევის საკითხს განიხილავს, – ამის შესახებ „როიტერი“ წერს. ანონიმურ წყაროზე დაყრდნობით, მედია იუწყება რომ 15 აგვისტოს, აშშ-ის პრეზიდენტის, დონალდ ტრამპისა და რუსეთის პრეზიდენტის, ვლადიმერ პუტინის შეხვედრაზე ზელენსკის მიწვევის შესაძლებლობა არსებობს.
„ეს საკითხი განხილვის პროცესშია“, – აღნიშნა ანონიმურმა წყარომ.
თეთრი სახლის ოფიციალურმა წარმომადგენელმა განაცხადა, რომ ტრამპი მზადაა სამმხრივი შეხვედრისთვის.
ცნობისთვის, აშშ-ის პრეზიდენტის, დონალდ ტრამპისა და რუსეთის პრეზიდენტის ვლადიმერ პუტინის შეხვედრა ალასკაზე 15 აგვისტოს გაიმართება.
