- By Keti Khomeriki
- In მსოფლიო
“ომი ორ ფრონტზე” – აშშ მოსალოდნელ კატასტროფაზე გააფრთხილეს
,,აშშ შესაძლოა კატასტროფული სიტუაციის წინაშე აღმოჩნდეს, როდესაც მოუწევს ომი ორ ფრონტზე – რუსეთთან და ჩინეთთან”,- წერს ,,აშშ”-ს ,,კატონის ინსტიტუტის” უსაფრთხოების უფროსი თანამშრომელი, ტედ გალენ კარპენტერი ,,The American Conservative”- ის სტატიაში.
,,ექსპერტი ჰენრი კისინჯერი ყოველთვის ხაზს უსვამდა, რომ ვაშინგტონი მუდმივად უნდა ცდილობდეს მოსკოვთან და პეკინთან კარგი ურთიერთობების დამყარებას, არათუ ურთიერთობების დაძაბვას, მაგრამ ამერიკელი ჩინოვნიკები, ჯორჯ ბუშის ადმინისტრაციიდან დაწყებული, ამას არ აკეთებენ. მეტიც, შეერთებულმა შტატებმა თანდათან დაიწყო ცივი ომი ერთდროულად ორ ფრონტზე“, – აღნიშნა კარპენტერმა.
კარპენტერმა მიუთითა ასეთი სტრატეგიის მცდარობაზე, რადგან ის საბოლოოდ შექმნის კატასტროფულ სიტუაციას ამერიკელი ხალხისთვის.
,,როგორც ჩანს, შეერთებული შტატების პრეზიდენტის ჯო ბაიდენის ადმინისტრაციას არ შეუძლია ფუნდამენტური გადაწყვეტილების მიღება იმის შესახებ, თუ რომელი ქვეყანა – რუსეთი თუ ჩინეთი – განიხილება ამერიკის მთავარ მოწინააღმდეგედ”,- ამტკიცებს ექსპერტი.
ექსპერტის თქმით, ამერიკის ხელისუფლებამ უნდა მიიღოს გონივრული გადაწყვეტილება შეეცადოს გააუმჯობესოს ურთიერთობები რუსეთთან და ჩინეთთან.
,, Geo News “
