- By Keti Khomeriki
- In მსოფლიო
უკრაინის უსაფრთხოების სამსახურმა ბაშკირეთში, ნავთობქიმიურ კომპლექსზე, „გაზპრომ ნეფტეხიმ სალავატზე“ დრონებით დარტყმა განახორციელა
უკრაინის უსაფრთხოების სამსახურის დრონებმა ბაშკირეთში, ნავთობქიმიურ კომპლექსზე, „გაზპრომ ნეფტეხიმ სალავატზე“ დარტყმა განახორციელეს.
აღნიშნულის შესახებ ინფორმაციას „უკრაინსკაია პრავდა“ უსაფრთხოების სამსახურში წყაროზე დაყრდნობით ავრცელებს.
ბოლო ერთი კვირის განმავლობაში ეს უკრაინის სპეცსამსახურების მეორე იერიშია აღნიშნულ ობიექტზე. მედიასაშუალებას უწყებაში განუცხადეს, რომ დრონებით თავდასხმის შედეგად საწარმოს ტერიტორიაზე ხანძარი გაჩნდა.
„გაზპრომ ნეფტეხიმ სალავატზე“ იერიშს ადასტურებს ბაშკირეთის რეგიონის მეთაური რადი ხაბიროვი. მისი ცნობით, ადგილზე საგანგებო სამსახურები მუშაობენ. დგინდება დაზიანების მასშტაბი.
